PortaliForumPytësoriKërkoRegjistrohuidentifikimi

Share | 
 

 FSK-së më 2013 i hapet rruga për ushtri

Shiko temën e mëparshme Shiko temën pasuese Shko poshtë 
AutoriMesazh
The Godfather
Anëtar/e
Anëtar/e


Anëtarësuar Anëtarësuar : 26/11/2010
Postime Postime : 249
Vendodhja Vendodhja : I ulur ne karrigen time
Mosha Mosha : 33

MesazhTitulli: FSK-së më 2013 i hapet rruga për ushtri   Sun Apr 10, 2011 11:24 pm



Prishtinë, 11 prill – Avancimi i FSK-së drejt transformimit në ushtri është çështje më shumë politike dhe problem politik. Edhe Ahtisaari e ka dhënë mundësinë qe pesë vjet pas hyrjes në fuqi të Kushtetutës së Kosovës të rishqyrtohen kufizimet që i ka dhënë ai në Pakon e tij, ka thënë ministri i FSK-së, Agim Çeku. Dhe gjithashtu, sipas tij, në vitin 2013, FSK-së edhe de jure i hapet rruga që si forcë e Kosovës të ketë pronësi mbi proceset ushtarake që ato të ndërtohen sipas nevojave të vendit, SHKRUAN SOT “Koha Ditore”.
“Duhet pasur të qartë se ajo që e kemi sot nuk është se i përmbush kërkesat dhe nevojat e Kosovës për siguri. Dhe padyshim që ndërkohë do të paraqitet nevoja që t’i ndërtojmë kapacitet e plota ushtarake çfarë i nevojiten Kosovës”, ka thënë ministri Çeku.
Gjithashtu, realiteti i krijuar në Forcën e Sigurisë së Kosovës do t’i ndryshojë edhe ligjet dhe FSK-ja do të krijojë një realitet të atillë që t’i imponojë ndryshimet në Ligjin për FSK-së, që po shfaqet si pengesë për këtë forcë, për t’u pajisur me armatim të rëndë, si dhe për të marrë detyra e misione të reja, është shprehur ministri Çeku.
Ligji për FSK-në, e më konkretisht neni 10.2 i këtij ligji, që ka hyrë në fuqi më 2008, derivon nga Pakoja e Ahtisaarit, e që prej kësaj Pakoje është futur në Kushtetutën e Kosovës, është ai që e specifikon se çfarë armatimi duhet të përdorë FSK-ja, dhe deri kur kjo forcë nuk ka të drejtë të bëjë ndryshime. Në këtë nen thuhet: Forca e Sigurisë e Kosovës është e armatosur lehtë dhe nuk do të ketë armë të rënda, siç janë tanket, artileria e rëndë apo kapacitete sulmuese ajrore. Çdo ndryshim në armatim do të përcaktohet nga prania ushtarake ndërkombëtare, në bashkërendim me Përfaqësuesin ndërkombëtar civil. Një rishikim i plotë i këtyre kufizimeve do të bëhet jo më herët se pesë vjet nga koha e hyrjes në fuqi të këtij ligji.
Ndërkaq sipas ministrit Çeku, qëllimi i Ministrisë së Forcave së Sigurisë së Kosovës është që deri në fund të këtij viti t’i arrijë kapacitetet e plota profesionale, me fjalë të tjera t’i arrijë ato që Ahtisaari ia ka përcaktuar FSK-së.
“Qëllimi ynë është që ne t’i arrijmë ato standarde, të cilat i kërkon Pakoja e Ahtisaarit dhe që janë futur në Kushtetutë. Dhe pastaj do të na hapen rrugët për detyra dhe misione të tjera”, ka thënë i pari i MFSK-së.
Sipas ministrit Çeku, ministria dhe FSK-ja do të punojnë që jo më 2013-ën të fillojnë ta ndërtojnë ushtrinë, por ajo, sipas tij, është një proces që tani ka filluar, ndërsa më 2013, do të zyrtarizohet si ngjarje.
Ndërkaq Xhavit Haliti, nënkryetar i Parlamentit të Kosovës, ka deklaruar se nëse nga Qeveria e Kosovës do të vinte një projektpropozim për ndryshimin e Ligjit për FSK-në, ai do të përkrahej nga Kuvendi i Kosovës, por ai këtë problem më shumë e sheh si çështje politike dhe se, sipas tij, do të duhej zgjidhur në koordinim me faktorët relevantë ndërkombëtarë.
“Nuk është problemi tek përkrahja e Kuvendit të Kosovës për ndryshimin e këtij ligji, por fjala është se a do të kishim ne fuqi ta miratonim atë. Këtë ne duhet ta bëjmë në marrëveshje me faktorin ndërkombëtar e që është fjala për NATO-n dhe praninë civile ndërkombëtare. Problemi i FSK-së është më shumë problem politik dhe kërkon një zgjidhje politike”, ka theksuar Haliti.
Obligimet që tani për tani i ka FSK-ja kanë të bëjnë vetëm me emergjenca civile ashtu siç parashihet në mënyrë decidive misioni i saj në Pakon e Marti Ahtisaarit si dhe në Kushtetutën e Kosovës, e cila u ngrit mbi bazat e kësaj pakoje.
FSK-ja tani ka dy lloje të armëve të lehta, të gjata dhe armë brezi. Armët e gjata janë amerikane Heckler&Koch dhe shumë të avancuara. Këto janë armët më të reja me standarde të NATO-s, po që janë krejtësisht në suaza të asaj që i lejon Kushtetuta e Kosovës dhe ligji. Sa u përket armëve të lehta që FSK-ja i zotëron, ato janë prej armëve më të sofistikuara të kohës.
Armatimi është modern dhe në harmoni me standardet e reja të NATO-s, i cili zyrtarisht ka filluar të përdoret nga 21 janari 2011.

_________________
Mbrapsht në krye Shko poshtë
Shiko profilin e anëtarit http://www.eja-ti.tk
 
FSK-së më 2013 i hapet rruga për ushtri
Shiko temën e mëparshme Shiko temën pasuese Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
WwW.Eja-Ti.Tk :: (¯`♥´¯) MEDIA DHE POLITIKA (¯`♥´¯) :: POLITIKA MBARSHQIPTARE :: :: LAJME NGA KOSOVA-
Kërce tek: